واحة الحيوان
اهلاً وسهلاً
نتمنى لك رحلة سعيده في منتدانأ ..

نرجوا منك التسججيل Smile

واحة الحيوان

ممنوع منعاً باتاً بيع وشراء الكلاب :)
 
الرئيسيةالرئيسية  اليوميةاليومية  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخولدخول  

شاطر | 
 

 ملف خاص عن تربيه اسماك الزينه (مكونات الاحواض - الاسماك وانواعها - التربيه والاسعار )

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
فوز~
الادارة
avatar

انثى عدد المساهمات : 289
تاريخ التسجيل : 16/12/2012
الموقع : http://wa7hal7ywan-11.alafdal.net

مُساهمةموضوع: ملف خاص عن تربيه اسماك الزينه (مكونات الاحواض - الاسماك وانواعها - التربيه والاسعار )    السبت فبراير 23, 2013 12:28 am

بسم الله الرحمن الرحيم
****************
ان شاء الله نعمل موضوع حلو عن تربيه الاسماك ومنظرها الخلاب في الاحواض جوا البيوت
(هنجمع معلومات من المنتديات المختلفه واللي عنده كتب او صور يرفعها ويشارك )
ان شاء الله يبقي موضوع متكامل عن اسماك الزينه وتربيتها
وياريت ياجماعه نشارك كلنا فيها سواء بمعلومات - كتب - صور لاحواضنا او صور للاسماك
************************************************** ******************
حوض السمك ومكوناته
***************
دي صوره توضيحيه عن المكونات اللي بتبقي موجوده في الحوض


التفاصيل
اولا:- الاحواض
*********
انواع الاحواض في السوق
*****************
احواض صناعه يدويه(التفصيل):-
يتم تركيبها اما بمعرفتك ولزقها بالسيليكون او (محل الزجاج - محلات
المتخصصه في الاسماك ) وبيتوقف سعره علي مقاسه وسمك الزجاج (3-4-6-10) ملي
وبيركب له في الغالب غطاء خشبي ولكن هذا لا يمنع انك تقدر تصنع حوض في
منتهي الجمال وارخص من الجاهز



احواض جاهزه :-
احواض بتشتري كامله تمتاز بجمال شكلها وارتفاع سعرها معظم المنتشر في
السوق صيني ويتوقف سعره علي المقاس والمكونات المجهز بها (غطاء بلاستيك -
لمبه مخصصه للمياه - فلتر - موتور هواء)

ويكون مميز باشكاله المتنوعه


شفت واحد شبيه لده وتقريبا نفس المقاس بالكرتونه كان عامل 160 ج
صور الاحواض الجاهزه والتفصيل

http://ourpetclub.com/vb/showthread.php?t=141618&page=2


[center]برنامج لحساب حجم ومقاس الحوض
http://ourpetclub.com/vb/calculator.htm

اختيار مكان الحوض :-
مكان الحوض من المهم ان يتم اختياره حسب بعض القواعد وهي ان
يكون في مكان سهل الوصول اليه وتنظيفه ,مكان قريب من مصدر ماء حتى يسهل
ملؤه , مكان لا تصل اليه اشعة الشمس بشكل مباشر او تصل اليه لفتره ليست
طويلة ساعة في اليوم مثلا لان اغلب انواع الاسماك لا تفضل ضوء الشمس
المباشر ,مكان غير معرض لتيارات هوائيه عالية

ويوضع الحوض على سطح مستوي ويفضل وضع طبقة من الفلين تحت الحوض حتى يستطيع تحمل الضغط

اختيار الحوض المناسب :-
يعتقد الكثير ان اقتناء حوض صغير اسهل من اقتناء حوض كبير
فيستطيع السيطره عليه ولكن هذا اعتقاد خاطيء لانه كلما صغر الحوض كلما كان
عرضه لسرعة الاتساخ و كثرة امراض الاسماك فيه ولكن في النهاية هذه الامور
تعتمد على ذوق الشخص نفسه ويعتمد حجم الحوض ايضا على نوع السمك الذي ستربيه
فهناك انواع تحتاج احواض كبيرة كالسمكة الذهبية وهناك انواع لا تحتاج
مساحات كبيره كسمك الجوبى والمولي مثلا

ولكن على حسب حجم الحوض يتم اختيار سمك الزجاج الذي يصنع منه كما يلي
مقاس 30*20*10 يصنع من زجاج 3 مم
40*30*20 4 مم
100*60*30 6 مم
150*50*30 8 مم
200*60*40 10 مم
و بعدها يتم لصقه بماده السيليكون

ملحوظه هامه جدا
يتم غسل الحوض بماء وملح او باي محلول مطهر مع ملاحظة شطفه بالماء فقط جيدا بعد غسله ومن الافضل تجنب الصابون او مسحوق الغسيل
فهو ضار بالسمك وقد يقتلها لان بيتبقي رواسب منه مهما غسلت الحوض

مكونات الحوض
**********
اولا:- ادوات الفلتره و التهويه
***********
1- الفلتر :- لتنقيه المياه من بواقي الاكل وفضلات السمك
وللحفاظ علي منظر الحوض الداخلي جميل وشفاف يفضل للمتخصصين اختيار الفلتر
حسب نوع السمك وحجمه


فهناك اسماك تحتاج لفلتر
قوي لانها توسخ الماء سريعا وهناك اسماك تحتاج الى فلتر ضعيف ولكن دائما
فان الفلتر الافضل هو الفلتر البيلوجي ولكنه غالي الثمن جدا وغير متوفر
بكثره في الاسواق المصريه ويليه فلتر الكهرباء ثم الفلتر الهوائي ومنهم
الداخلي والخارجي


الخارجي
*******
فكرته ببساطه انه بيسحب مياه الحوض عن طريق انبوبه لفلتر
خارج الحوض ويتم معالجتها حسب مواد الفلتره الموجوده بداخل وحده التنقيه
واعاده المياه مره اخري للحوض






الداخلي

*******
الباور هيد (الاكثر استخداما ومتوفر بكثره في السوق)

بيبقي جوه الحوض وبيسحب المياه من اسفل لتمر عبر اسفنجه وتعلق بها الشوائب وتخرج من الطرف الاخر المياه نظيفه



وهناك الفلتر الارضي
**************
(متوفر في السوق) وهو يوضع قبل فرش الحوض ويغطى بالحصى وهو مفيد للزرع الطبيعي مش عملي للسمك بس بينضف قاع الحوض



ثانيا:- موتور الهواء
************


وظيفته الاساسيه هي تجديد المياه في الحوض بالاوكسجين واذابه الاوكسجين في الماء
افضل انواع المزوده ب 2 مخرج صامت

ثالثا :- خراطيم - مسطره هواء (السكره)
*****************
توصل بالموتور عن طريق الخراطيم الشفافه لتوصيل الهواء للحوض



ادوات تزيين الحوض
**************
1- الجرش :- بطانه قاع الحوض واللي بتغطي القاع وبتدي المنظر الجميل
انواعه
1- جرش مكرونه (عيبه بيسود بعد فتره ومحتاج نضافه علي طول)
2- جرش (كسر صدف ام الخلول ) (افضلهم بيحتاج نضافه جامده في الاول بس بيقعدفتره طويله نضيف الحوض وطبيعي
3 - جرش كسر الرخام (لايفضل الانواع الملونه لانها بتتفاعل مع الماء وممكن يموت السمك تاكد ان النوع مستورده الوان ثابته
4- جرش حصي ملون مستورد زي الصوره الوانه ثابته مفيش منه ضرر
5- جرش صدف بيبقي غالي وطبيعي
6- جرش كريستال وبيبقي في كيس وبيتاع بالكيس الكبير والوسط والصغير



2- لعبه مائيه متحركه :- بتتركب مع خرطوم الموتور بدل السكريه بتبقي لعبه متحركه في الميه في منتهي الجمال

3- كهوف واشكال فخار
عشان السمك يستخبي فيها وممكن تحط اي حاجه فخار بس تكون الوان ثابته او مالهاش لون

4- زرع صناعي بيدي منظر جميل للحوض وهو عائم في الميه وافضل من الطبيعي لان السمك مش بياكله وشكله احلي

5- خلفيه بلاستيك :- منظر طبيعي خلف الحوض الزجاجي لتعكس الحوض مع الاضائه وافضلهم البلاستيك عشان يستحمل الميه
6- قطعه شعب مرجانيه طبيعي وصدف
7- وكسر الزجاج وقلوب زجاج بتلاقيها في محلات الانتيكات
8- خشب متحجر وبيدي منظر جميل للحوض

ادوات مساعده
***********
الشبكة
******
وهي ضروريه في العديد من الاستخدامات منها ازالة الطعام الزائد و نقل السمك عند تنظيف الحوض ازالة السمك الميت لا قدر الله
هوز
*****
لتغيير الماء او تغيير جزء منه
السخان
******
ويوضع في الشتاء اذا قلت درجة الحرارة ومنه تستطيع تثبيت درجة الحرارة التي يفضلها السمك
وفيه نوعين نوع عادي ونوع بترموستات عشان يفصل لوحده

التيرموميتر
********
لمعرفة درجة حرارة الماء

الدواده
*****
يوضع فيه دود الصيد بالنسبه للسمك الكبير او المفترس اللي بيتغذي عليه


مغناطيس تنظيف
************
من قطعتين واحد خارج الحوض للتحريك للتنظيف الزجاج من الداخل

حضانه
******
بتحتاجها لتفقيس او توليد السمك في نفس الحوض وحمايه صغاره من الاكل من باقي الاسماك

الفحم
*****
اقراص فحم مخصوصه لاحواض السمك لازاله رائحه الزفر من الحوض ويمكن وضع الفحم في الفلتر
مزيل كلور
*******
حبيبات بيضه بتعمل علي ازاله الكلور من ماء الحنفيه عشان السمك ما يتاثرش بيه وبدل من ركن الميه لفتره لحد ما الكلور يطلع
ويوجد السائل مستورد (غالي الثمن ومتوفر في المحلات الكبيره ويمتاز انه مزيل للكلور ومنظف ومطهر للماء )



ثالثا ... الاضاءة :-
توضع الاضاءة في غطاء الحوض الذي يصنع عادة من الخشب و توجد
فيه فتحات للتهوية ويجب ملاحظة عدد الوطاط اللزمه لاضاءة الحوض حسب الاتي :
لكل لتر ماء اضاءة واحد واط فلو قلنا ان الحوض سعتة 100 لتر فان الاضاءة
اللازمة له 100واط وهناك العديد من انواع اللمبات ولكن يفضل الفلوريسنت (او
اللمبات الموفره ) او لمبات النيون الموفره


حيث انه يعطي الاضاءة
المناسبة ولا يسخن وخصوصا عند وضع نباتات طبيعية داخل الحوض ويراعى ان
لاتقل المسافه بيت الاضاءة و سطح الماء عن 15 سم ولا تزيد مده اضاءة الحوض
عن 10 ساعات يوميا حتى لا تكون طحالب كثيرة على الزجاج


موضوع تفصيلي كامل عن الاضائه

http://ourpetclub.com/vb/showthread.php?t=105768&page=1


الاسعار واماكن البيع
****************
افضل مكان لشراء مستلزمات الاسماك اللي كتبتها بالكامل وبزياده كمان
هو السوق التونس (سوق الجمعه )

[frame="1 50"]

***************************

http:/?t=227
[/frame]

ودي قائمه اسعار هي قديمه بس الاسعار قريبه منها الزيادات بسيطه


اسعار حديثه
**********
موتور 2 مخرج 3 سرعه بـ24 جنية
سخان ترموستات بـ 20جنية
ولمبة 60 سم بـ 18 3 لون
و فلتر 2 كوبايةبـ 25 جنية الفلتر يستحسن يكون قوي يعني 600W وانت طالع
سعر الجرش المكرونة بـ1 جنية للكيلو
وفي كيس بـ1.5 للكيس
لكن الكيلو افضل للنوعية
وكسر الرخام قطع متوسطة 2.5 الكيلو
الجرش الصناعي الوان بـ4 جنية للكيلو
كسر الزجاج الكيس ب 5 جنيه
السكريه المستورده ب 6 جنيه
فلتر باور هيد 1750L/H الواحد 40 جنيه[/




I]

ترمومتر 3 جنيه
هوز (شفاط تغيير الميه) 8 جنيه



محلات الاسماك في القاهره وباقي المحافظات
*******************
[/URL]

[/B]

كتاب عن طريقه اعداد حوض السمك بكل التفاصيل
4shared.com ____.html

كده انتهي الجزء الاول من الموضوع عن كيفيه اعداد حوض السمك
وان شاء الله الجزء التاني هيبقي خاص بتشغيل الحوض وانواع الاسماك واسعارها وظروف تربيتها
والاسواق وكيفيه الشراء وصور وكتب مختلفه ومهمه

************************************************** ************
الجزء التاني
**********
اولا:- تشغيل الحوض
****************
بعد جمع كل مكونات الحوض اللي قلنا عليها الموضوع مش هيكون (حوض +ميه + سمك) وخلصت
كده هتفرح بالسمك يوم وهتصحي تلاقي نصه ميت والحوض مشبر ابيض زي اللبن
فيه خطوات مهمه لاعداد الحوض لاستقبال السمك
1- غسل الجرش جيدا بالماء وتصفيته اكتر من مره للتاكد من نضافته
2- وضع الالعاب والنباتات بعد غسلها طبعا في الحوض وتوصيل الموتور بالسكريه وتركيب الفلتر






3- عدم وضع اي اجزاء معدنيه او ملونه تتفاعل مع الماء و تموت السمك
3- تهيئه الدوره البيولوجيه للحوض عن
طريق وضع حبيبات مزيل الكلور للتخلص من الكلور من الماء او ترك الماء في
الحوض لمده يوم وتشغيل الفلتر الجديد لمده يوم علي الاقل بدون وضع سمك
للبدء في تكوين البكتريا النافعه (يمكنك وضع اسماك تستحمل هذا الوضع في
الحوض وتساعد في الاسراع من اعداد الحوض زي (الزبالات الكات فيش - والبليكو
ستومس ماسحه الزجاج )


4- عند شراء الاسماك يجب التركيز علي نشاطها في الحوض وحركتها قبل النظر الي شكلها الجمالي لانها ربما تكون مريضه

5- عند شرائك لاسماك متنوعه يجب
التاكد من ملائمتهم للعيش مع بعض في البدايه اذا كان صاحب المحل حاططهم مع
بعض يبقي مفيش مشكله لكن لو محل كبير وهتنقي من كذا حوض يجب معرفه طبيعه كل
سمكه ومدي قابليتها للتعايش مع انواع اخري بسؤال التاجر (وماتخدش علي
كلامه اوي لانه عايز يبيع ) او من خلال الصوره دي والسوال في الانترنت


الاخضر يمكنها التعايش بدون مشاكل
الاصفر يمكنها التعايش عاده بدون ازيه كبيره (عض وتنتيش ^_^)
الاحمر لايمكنها التعايش مع هذا النوع مطلقا (مميت)

6-
بعد شراء الاسماك لاتضعها مباشره في الحوض بسبب تغير الوسط البيئي اللي
بتتعرض له السمكه من حوض التاجر الي الكيس الي الحوض الخاص بك يمكنه ان
يقتل السمكه او اصابتها بفزع يفضل وضع الكيس علي سطح الحوض حتي يكتسب حراره
الحوض بعد 5-15 دقيقه وتخريم الكيس بعد ذلك ليختلط ماء الكيس وماء الحوض
وحرر السمكه بعد ذلك



7- عدم اللعب والتغيير في ديكورات الحوض كثيرا
8- تعويض الناقص من الماء المتبخر في الحوض
9- تشغيل الفلتر لفترات طويله لضمان
نقاء ونظافه الحوض وتنظيفه (الاسفنجه) بشكل اسبوعي من الشوائب في ماء من
الحوض للحفاظ علي البكتريا النافعه


10 -عدم شراء اسماك بعدد اكبر من مساحه ومقاس الحوض
11- تغيير ماء الحوض بشكل كامل له اضرار كبيره ويفضل تغيير ربع الماء فقط
12- عدم الافراط في اطعام السمك لانه
بيزيد الفضلات وبواقي الاكل مما يرفع من نسبه الامونيا في الحوض وهي سامه
للسمك ويجب تغيير ربع الماء كل يوم او يومين حتي تختفي من الحوض مع تشغيل
الفلتر

13- استخدام ملح
مخصص لاحواض السمك يجعل ماء حوض السمك زي البلور الصافي (انا بصراحه بحطه
كميه قليله من ملح الطعام مش بلاقي ملح احواض وبلمون بأه ياااااااه بالهنا
والشفا هههه)

14- شرح مصور وافي لكيفيه تنظيف حوض السمك بعد 6 شهور او سنه وممكن اكتر حسب نضافه الحوض ورعايتك ليه
http://www.kyfworld.com/2010/05/17/%...3%D9%85%D9%83/

ثانيا :- انواع الاسماك (المتوفره في السوق المصري)
***************************************


السوق المصري بيمتاز بتنوع الاسماك الموجوده فيها طبعا مش زي روعه اسواق السمك الموجوده بره
بس علي الاقل فيه اكتر الانواع شعبيه وخصوصا السمك رخيص
الثمن والمتوسط وده مايمنعش وجود اسماك غاليه واسماك صعبه الرعايه والتربيه
للمحترفين جدا

طبعا يفضل للمبتدئين البدايه بالاسماك الرخيصه اللي
بتستحمل عشان يقدر يتفهم طبيعه الحوض والاسماك ويكتسب خبره والخسائر تبقي
مقدور عليه

-انا هبدا بالاسماك الشعبيه والرخيصه الثمن والمتوسطه الموجوده في السوق وعند اغلب المربين
-لكن في البدايه هبدا بالمحبين للسمك وعايزين حاجه بسيطه وخلابه ورخيصه الثمن
زي اللي بيحب يربي في بلوره بسيطه او كاس زجاجي والاشكال
الزجاجيه المختلفه الجميله اللي بتبقي موجوده في محلات الديكور وفي نفس
الوقت مش محتاج كل التجهيزات السابقه

- معظم اللي بيربي في البلورات السمك بيموت منه بعد كام
يوم او ميه الحوض بتشبر والريحه والمنظر بيخرب وبرضه السمك بيموت منه
والتاجر عايز يبيع او صاحبنا بيفضها سيره ويحرم

افضل واجمل سمكه لهذا النوع من التربيه
الفايتر
Siamese Fighting
السمكه الخلابه دي

ايوه السمكه الخلابه دي متوفره في السوق المصري في المحلات وسوق الجمعه
ودايما للاسف بتلاقيها في اكياس او برطمانات
- من اهم مميزات السمكه دي انها بتعيش اصلا في المياه
المستقره وتستطيع التنفس من الهواء لذلك فهي بيئتها المفضله ومناسبه جدا
للعيش في بلوره او حوض صغير

- السمكه دي عدوانيه جدا لنفس النوع يعني لايمكن تربيه
اكثر من واحده ذكر في البلوره او الحوض وممكن تهاجم الانواع الشبيهه لها زي
الجورامي القزم يفضل عند تربيتها في احوض مع سمك اخر ان يكون مسالم لان
سباحتها هاديه ويمكن لبقيه السمك تقطيع زعانفها او قتلها

- انثي السمكه تشبه البساريه ولا يربيها احد الا بغرض التفريخ

- اكلها قليل جدا ويمكن اطعامها كل يومين حبه اكل او قشور لن تلوث الحوض او تخرب المنظر
- السمكه الجميله دي ب 6 - 7 جنيه للواحده فقط
واتفرج علي منظرها ونضافتها قطعه ديكور جميل وبسيط في الشقه



صوره حوضي الخاص بالفايتر
حوض صغير مقسوم بفاصل زجاجي متحرك
عشان اربي سمكتين واتفرج علي الخناقه لانه بيستعرض زعانفه وخياشيمه لما
يشوف ذكر منافس وبيظهر جماله



انواع الاسماك المفضل تربيتها للمبتدئين
***************************
1- الجوبي :- الجوبي من اجمل الاسماك ومن اشهر الاسماك ايضا وهي تعتبر من الاسماك الولاده ...
وهي مش محتاجه اكثر من مياه نظيفه ودرجة حراره
بين 23 الي 27
وهي تهتم بالزرع جدا فمن المهم ان يكون في الحوض زرع
وتعتبر ارخص نوع سمك في السوق
ودي صور لهذه السمكه الجميله





2- المولي :- [COLOR=#0000ff]و[/
COLOR]
هذه السمكه جميله ايضأ ...
وهذه السمكه نشيطه ...
وتعيش في درجة حراره 23 الي 27
ويجب اضافة بعض الملح الي الماء ...
والوانها جميله جدا فمنها الاصفر ...
والبني والفضي و الابيض المنقط باسود ومنها ايضا الاسود واحلي نوع للسمكه
دي المستورد الشراعي لانه اكبر واجمل من التفريخ المحلي قصير الزعانف

واغلي حاجه بسيطه
ودي صور للسمكه




3- السورد تيل :- اجمل واحلي الاسماك في الحوض لونها وشكلها المميز ورشاقتها في الحوض
وهي سمكه وديعه جدا
ويوجد لها الوان في غاية الروعه والجمال ...
وهي تعيش في درجة حراره من 23 الي 27 ...
ودي صور للسمكه ...


4- سمكه الكوري كات فيش :- او الزبالات باللغه الدارجه وهي اسماك لايستغني عنها اي حوض وتقوم بتنظيف الحوض من الفضلات في القاع وبين النباتات وزينه الحوض سمكه النضافه الاولي في الحوض تتغذي علي اي شئ في قاع الحوض بتتباع الواحد ب 50 قرش /1 جنيه وتستخدم كزبالات ولونها رمادي او ابيض
مفيش حوض بيستغني عنها لتنضيف القاع والصخور وبين المستلزمات وتربيتها سهله جدا
(مشكلتها انها صغيره وممكن السمك الكبير ياكلها زي الجولد فيش او الكوي)


5-
البليكو ستومس :- نوع من انواع الكات فيش تلتصق دائما بزجاج الحوض لتنظيفه
من بقايا الاسماك والطحالب وهي سمكه لا غني عنها في الحوض هتريحك من تنضيف
الزجاج من الداخل بالمغناطيس كل شويه



6- الجولد فيش والفال تيل وباقي السلسله :- من
اشهر الاسماك في العالم وخصوصا في الصين ولها انواع عديده ومهجنه وتختلف
اسعار كل نوع عن الاخر وهي سمكه جميله جدا نشيطه ملكه اسماك المياه العذبه

نوعية المياه : تحتاج أسماك
الجولد فيش إلى أحواض كبيرة لتنمو بصورة صحية (على الأقل حوض به 40 لتر
ماء) مع وجود فلتر قوي لأن الجولد من الأنواع المشاغبة كثيرة الفضلات. درجة
الحرارة المثلى تتراوح بين 21 – 24 درجة مئوية ودرجة حموضة 7-7.6 .

السلوك : من الأسماك المسالمة ، تتحرك في جميع انحاء الحوض وتحب اللعب بالجرش وتقليبه.
الطعام : الجولد فيش من الأسماك الشرهة، دائم البحث عن الطعام. يمكنه أكل الطعام الجاف بأنواعه، الديدان الحية والمجمدة والمجففة
انواع الجولد فيش كثيره جدا انا هجيب الانواع اللي بتبقي موجوده في السوق المصري لان مش كل الانواع بتنزل عندنا
Common Goldfish
الشعبي اللي في معظم المحلات


الأوراندا الحمراء


أوراندا رد كاب


جولدن رانشو


Black Moor



البابل آي (العين الفقاعية) Bubble Eye

Lionhead


الفال تيل

بينج بونج جولد فيش الواحده ب 35 جنيه (حساسه جدا جبت واحده ماكملتش يومين وماتت بسبب السخان والحموضه )

الجولد فيش اسماك ميه بارده ماتحبش الحراره

7- البلاتي :-

وهو سمك ذو جسم ممتلئ وصغير الحجم يفتقر إلى زعنفة الذيل الممتدة أو السيف مثل سمكة سوردتيل التي هي أحد أقربائه اي من نفس عائلته
العديد
من الالوان المختلفة الجميلة والهجائنانتجت حتى بات من الصعب العثور على
النوع الأصيل منه، واليوم اصبح النوع الاصلي هو الإستثناء بدلا من ان يكون
القاعدة وتغيرت ألوانهم إعتماد على طبيعة المياه التي نشأوا فيها.

يعتبر من أحد أفضل الاسماك للمبتدئ وممتاز جدا لأحواض السمك الجماعية
سمك نشيط سلمي يسبح في تجمعات وبشكل طليق.
الحرارة المناسبة لها هي بين 15 - 28 درجة مئوية.
8- النيون تترا :-

النيون تترا من الأسماك صغيره الحجم (2 سنتيمتر)
يجب إعطاء بعض الوقت لتتكيف اسماك النيون تترا مع حوضهم الجديد
يجب تربيته فى حوض كثيف الزرع مع الإبقاء على منطقة مفتوحةَ للسباحه مع إضائه خافته و الجرش يكون لونه غامق
النيون تترا تأكل القشور و البيليت و الدود الحى و الجمبرى و لكن يجب مراعاه ان يكون حجم الأكل صغير ليناسب فم التترا

9- الجورامي :-
من اجمل الاسماك اللي بحبها وهي لها القدره علي التنفس من الهواء مثل الفايتر
لكن لا يمكن تربيتها في بلوره بسبب طبيعتها ونشاطها الكبير ربما تنجح مع النوع القزم منها
الانواع اللي في السوق
جورامي ذهبي

جورامي قزم الدوارف

البلو جورامي


10- البارب
من الاسماك الجماعيه الجميله في الحوض
وهذه السمكه ليست مثاليه في التربيه
الا اذا تألف قطيعها من ستة افراد او اكثر فسوف تنشغل بالصراعات الداخليه
اما لو تربي منها زوج فقط او ثلاثه فسوف تقوم بمهاجمة الاسماك الاخري التي
شاء قدرها المؤسف ان تكون معها في نفس الحوض , ولاينصح عموما بتربيتها مع
أي زيول طويله سواء انجل او فانتيل او فايتر .

السلوك الاجتماعي : نشيط جدا في
منطقة وسط الحوض , يهوي قرض زعانف الاسماك الطويله , عدائي مع اقرانه في
مرحلة البلوغ , سهل التوائم مع غالبية انواع السمك ماعدا المفترسات

التايجر بارب

البينو تايجر بارب

اسماك متنوعه
***********
- الديسكس
اغلي واجمل اسماك المياه العذبه بلامنافس تربيتها صعبه جدا للمحترفين والخبراء والاحواض الكبيره


- الشارك (قروش المياه العذبه) عشان اللي افتكروني بهزر ^_^
********************

Freshwater Sharks
==================================================
باستثناء
الشكل,لايوجد اي تشابه اخر بين قروش المياه العذبه و المياه المالحه, تفضل
هذه الاسماك الاحواض اللتي تحتوي على اماكن للإختباء, بالاضافه الى الخشب
الصلب و
احجام كبيره من النباتات ذات الاوراق العريضه.

قروش
المياه العذبه تمثل اضافه جميله لاحواض الاسماك شبه العنيفه فهي اسماك
فضوليه و لها شخصيتها المنفرده بالحوض ومتوفره في السوق المصري واسعارها
رخيصه .




- الكوي
سمكه اليابان الاولي
الانواع الدرجه الاولي منها تصل ال 8 الاف دولار للسمكه اصلي اصلي يعني
والارخص هي ما تصل الينا 10 جنيه واسمه كارب
عشان ماتدورش علي كل اللي في الصور ^_^ عشان في فرق كبير
سمكة الكوي لها أقوى جهاز مناعه ضد الامراض التي تصيب السمك



يفضل تربيته في البرك او الاحواض الكبير وانصح بيها المبتدئين اللي عنديهم احواض كبيره
الكوي له طريقة أكل جميله جدا ويطلع صوت مضحك وقت الأكل والعجيب بأن هذا النوع من السمك إن إعتاد على صاحبه يأكل من يده مباشره
بياكل القشور واكل السمك الملون المستورد و الجمبري والدود المجفف
بيحتاج موتور اكسجين قوي وفلاتر قويه لتنضيف الحوض

- اسماك اللوتش / البوتيا
الاشهر للتربيه والتمتع بالجمال واللعب
Clown Loach
سمكه المهرج (شبيهه لسمكه الفيلم الشهر نيمو ) الا ان نيمو الحقيقي اسماك بحار ومياه مالحه
من الأسماك المسالمة جداً
أسماك المهرج هي من الأسماك
الرائعة الشهيرة جداً في محلات الأسماك و الكل يحبونها وذلك لألوانها
الرائعة و شكلها الغريب ولكنه مع الأسف شديد الحساسية للأدوية و الأدوية
تصيبه بالجنون و ربما الى الوفاة و هو حساس لظروف الماء السيئة و طبعاً
تربيتها ليست سهلة.

و ينشط البوتيا المهرج في ساعات النهار الأولة و يحب أن يعيش بشكل جماعي
النسبة للطعام تأكل أي شي نبات أو اسماك متحللة والغذاءالحي
فهذه ألسمكه نادراً ما تصعد إلى اعلي الحوض للغذاء وتأكل أيضا اللحم
المفروم جيداً


وتعتبر اسماك المهرج من الأسماك الحساسة جداً للأدوية حيث
تصيبها الادويه بالجنون وتدفعها إلى القفز من الحوض والانتحار وقد تؤدي
تأثير الادويه عليها إلى الوفاة أيضا لا سمح الله فإذا أردت إن تعالج اسماك
الحوض فأحرص على تحويل هذه ألسمكه إلى حوض أخر... وعليك أيضا إن تحافظ على
نظافة الماء فهي حساسة إلى الماء العكر وظروف الحوض السيئة
سعر الواحده 13 ج تقريبا 5سم
- الريشه
Black Ghost Knife‏

سمكه black ghostالمعروفه با سم سمكه الريشه
فهى تشبه الريشه فعلا من الاسماك الهادئه جداااااا
مسالمه ويفضل ان تربى فى حوض خاص بنوعها من الاسماك الحساسه
جداااا لدرجه الحرارة فهى تفضل درجه حرارة 25 وكلما كانت الاضائه منخفضه
او خافته كان افضل فهي تنشط ليلا

حيث ان هذه السمكه لا تستعمل عينيها تماما كالعمياء ولا تري
بهما الا ليلا فهي حساسه جدا للضوء , و لكنها مزوده بجهاز في مقدمة الرأس
يطلق تيار كهربي ثابت ومنخفض الجهد هو وسيلتها للبحث عن الطعام كالرادار ,
وهو غير مؤثر تماما علي الاسماك او المربين ولكنه يحدث له نوع من التشويش
اذا تواجدت معه اسماك تطلق شحنات كهربيه

تتقبل جميع انواع الاكل الحي و المجمد والذي
يحتوي علي نسبه عاليه من البروتينات , واذا لم يتم تغذيتها جيدا فستقوم
بصيد الاسماك الاصغر حجما منها

[size=16]تصل الى 30 سم متوفره في السوق المصري الحجم الكبير 17سم ب 35 جنيه والاصغر ب 20 و 15 ج [/size]

الاسماك المفترسه والشبه مفترسه
********************
1 - الانجل فيش

من اشهر الاسماك الجميله والمنتشره في محلات الاسماك سعرها بيتوقف علي حجمها ولونها
بتبدا من 2.5ج تحتاج لمياه نظيفه دائما لانها مش بتستحمل يفضل تربيه الكبير منها لانه بيستحمل اكتر
الطعام: القشور والديدان المجففه وحبوب اكل السمك الملونه
الحوض : مياه عذبة و نباتات و صخور و خشب متحجر (بيساعد علي حموضه الحوض)
82 فهرنهايت او 24 - 28 مئوية . الحموضة 5.8 - 7
الاضاءة :خفيفة
التصرفات : شبه عدواني
2 - البيرانا الفضيه (الباكو)
سمكه
الباكو الشهيره بالبيرانها هى من اشرس الاسماك سواء فى المياه العزبه او
المالحه ولا تضاهيها شراسه الا البراكودا ويوجد منها اكثر من 4 اصناف
اشهرها هى:

اللي لقيته في السوق المصري
1) Red Bellied Pacu (Tambaqui)
باكو منتفخ البطن واسمها العلمى Colossoma macropomum

سمكه قويه جدا وعنيفه وشرسه جدا حتي لما بتطلعها بالشبكه من الحوض بتقاوم
وجبتها المفضله الديدان المجففه او عاديه
سعرها من 10/15 جنيه
3 - الاوسكار


من فصيله اسماك البلطي المعروفه[
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ملف خاص عن تربيه اسماك الزينه (مكونات الاحواض - الاسماك وانواعها - التربيه والاسعار )
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
واحة الحيوان :: عالم الاسماك :: قسم المياه العذبة-
انتقل الى: